أهلا بيكو يا أصحاب
شفنا الزنة الأولى
واتعرفنا على مرمررر الزنآآنة
دلوقتي بقى مرمرر تحكيلكو الزنة التانية
تعالوا نشوووف
.
.
.
النهاردة أحكيلكو عن عيلة ماما
اللي بحس إني مرتبطة بيها جدا
جدي راجل عجوز ..ماما بتقول ان عنده اكتر من سبعين سنة
هو مش بيتكلم كتير
يمكن دي حاجة في الناس بتوع زمان
لكن بالرغم من كدة بحبه جدا ومرتبطة بيه أوي
وبفرح جدا لو شفته في الحقيقة أو في المنام
هو كمان بيحبني و وحنون أوي
أكتر موقف متذكراه وثابت ف مخي
مرة كنت عندهم الصبح بدري
أيام خالتي الله يرحمها لما كانت هناك قبل ما تموت
خلاني اقعد على رجل خالتي
وجابلي مصاصة وحاجات حلوة
يمكن الموقف دة اكتر موقف بفتكره رغم اني بشوف جدي على طول
بس عشان هو دة المشهد الوحيد الباقي في ذاكرتي لخالتي الله يرحمها
:i con26:
دلوقت أكلمكو عن جدتي الله يرحمها
طبعا ما شفتهاش
لأنها ماتت قبل ما اجي للدنيا بخمس سنين
بس هي طيبة جدا جدا
كل أما نقابل حد يقول لنا كدة
هي كانت ست بيت ممتازة
وكانت بتخيط لماما وخالاتي هدومهم
ماما وخالاتي عندهم لسة الهدوم دي
وبجد جميلين خالث
ساعات بحس إن تيتة واحشاني اوي
نفسي اسمع صوتها
وتحكيلي حواديت
وأسمع كلامها مع ماما وأهلي
وحواديت الناس بتوع زمان
وكان نفسي تعلمني الخياطة عشان لما أكبر أبقى أخيط لولادي
.
.
.
الله يرحمها
اوعو تكونو زهقتو مني
اكملكو كمان شوية عشان رايحة للبقرة شوشة
سلآآآآآآآآآآآآآآآآآآآآآآآآآآم
--
مع زنة جديدة
26 مايو 2011 في 11:58 م
كالعادة يا اسراء
بنتابعك بابتسامة وانبهار
بتعيشينا لحظات طفولة تانية وحشانا اوي
تحياتي
28 مايو 2011 في 12:34 م
فضفضة الزنات
اسمحيلي ان اطلق هذا العنوان علي زناتك وفي انتظار الباقي
تحياتي الخالصة
29 مايو 2011 في 12:48 ص
هي رايحة للبقرة ليه ؟
هههههههههه
ياعيني عليها وذكرياتها
دي حفيدة جميلة :) "
؛؛
؛
سكن
ماتتأخريش زي عوايدك
مستنيين الزنانة
؛؛
؛
لروحك عبق الغاردينيا
كانت هنا
reemaas
29 مايو 2011 في 3:49 م
مصطفى
تسلم لمرورك الجميل
بس هو كان عندك طفولة أولى؟؟
دانا فاكراك مولود كدة :P:P
يللا هش من هناااااااا
29 مايو 2011 في 3:50 م
سندباد
اسم جميل فضفضة الزنات
هي فعلا فضفضة وخيال
وأحلام بشكل طفولة معين
ولسة مش عارفة الرحلة رايحة لفين
نورت وماتحرمناش الطلة^_^
29 مايو 2011 في 3:54 م
ريماس
كانت رايحة ترزل على البقرة
ههههههه
وطبعا لازم تكون حفيدة جميلة
طالعااااااالي:P:P
استني الزنة التالتة
ونقول
يامسهل يااااارب
29 مايو 2011 في 7:41 م
جميل انك تشاركنا احساسك تسلم ايدك
30 مايو 2011 في 9:02 م
الأجمل طلتك الجميلة كارمن
تسلمي يا بنوتة
نورتي ^_^
30 يوليو 2016 في 1:17 ص
روعه ابداع
شرفني بحساباتي
تويتر شعر
انستقرام شيلات
انستقرام ضحك
تويتر حب
انستقرام قصائد غزل
30 يوليو 2016 في 1:17 ص
روعه ابداع
شرفني بحساباتي
تويتر شعر
انستقرام شيلات
انستقرام ضحك
تويتر حب
انستقرام قصائد غزل