قبل ماتقروا الزنة الأولى
فوتوا الأول على هنا
عشان تعرفوا إيه هي الزنات دي
وإيه حكايتها
**
غيييييييييييررررررررررت رايي
قلت احكيلكو قبل ما اتولد بشوية
عن بابا وماما وجدو وتيتة واخواتي
بس يا رب ما
...
بابا مهندس زراعي
هو الابن الكبير لجدي الله يرحمه
وعشان كدة اختار انه يراعي مزرعة جدو هو وشوشة
شوشة دة عمي الصغير
لسة متخرج بردو من كلية الاداب قسم فرنساوي
وعشان مش لاقي شغل قال يساعد بابايا
المزرعة جميلة اوي
فيها شجر كتييييييييير
برتقان ويوسفي ورمان وجوافة
انا كمان زرعت فيها شجرة فول
الميس قالتلي شطوووورة مرمر
ههههههه
وكمان ف المزرعة بيت صغنن دور واحد بس
احكيلكو عن نوشة البقرة
اللي كل ما اجي جنبها تزعقلي
اول مرة رحت عندها دخلت من غير شوشة ما يعرف
وفكيت الحبل بتاعها قامت جرت ورايا وكانت مصيييبة
بس الحمد لله ما اكلتنيش زي فولة
عشان شوشة لحقني
هههههه
المرة التانية قلت لازم اركب فوقها
وخليت بابا يركبني
بس اتزحلقت من على رقبتها ووقعت ف حوض الميا اللي بتشرب منه
هههههه
دلوقت بقا بقيت انا ونوشة اصحاب
بابا قاللي كدة لما لقاها لحست راسي بلسانها
وبقيت بأكلها على طول
...............
مرمررررررررررررررررر
يللا تعالي اتغدي
سلام بقا عشان اكل البطة
بكبكبكبكيييييييييييييييييييييييك
ههههه
............
مع زنة جديدة
**
12 مايو 2011 في 2:43 ص
صباح الغاردينيا ياأحلى سكن في الدنيا
دنا كنت مستنياكي واخيراً رجعتي وكمان جايبة معاكي الامورة الزنانة ياختي عليها دي طعمه اوي شبهك <<< يارب ماتكسفها
اممم تصدقي بالله حاسة اني شايفاها طعمة جداً وعسوله بس حرام حزنت اوي علىيها وهي بتسبح في مية البقرة هههههههههههههه
؛؛
؛
سكن
وعدتِ ياحبيبة
كنت هنا على باب مدونتك أنتظر عودتك
لاتغيبي فـ بكِ تطيب النفس
قصة جميلة سـ أكون بـ القرب منكِ لأبتسم :)
لروحك عبق الغاردينيا
كانت هنا
reemaas
12 مايو 2011 في 4:09 ص
بالرغم اني حافظ زناتك دي كلها لكن مش بمل ابدا في قرايتها
شكرا يا سكونة
تحياتي ليكي
12 مايو 2011 في 6:52 ص
مرمر
روح الطفولة البريئة الصافية تجرى فى عروق كلماتك
منتظرين المزيد من الزنات التى زينت مباهجنا وروت وجداننا، وانا اعرف ان انت مش بخيله ازاى تكلى البطه لوحدك
12 مايو 2011 في 1:42 م
زنة جميلة وفي انتظار باقي الزنات
حلو اسلوبك السهل ده
تحياتي وتقديري
12 مايو 2011 في 4:47 م
ريمااااس
مش عارفة أقولك غيه والله
بجد تسلمي
يارافعة معنوياتي
يامدلعاني ^____^
بيتهيألي مرمر شبهك إنتي
كل الناس بيقولو انها طالعة لخالتها ريماس
بس هي على أحلى شويتين:P:P
نورتيني يا بنوتة وتابعي الزنات
12 مايو 2011 في 4:58 م
مصطفى
هش من هنا
انت مش شطووور ومش بتحفظ
مش تضحك على الناس ^___^!
12 مايو 2011 في 5:04 م
أخي فاروق فهمي
نورت مدونتي
وتسلم بجد لتشريفك
بالنسبة بقى للبطة فأهل الصعيد معروف عنهم الكرم
هدلك هناك على واحد يعزمك على كل انواع الطيور
طير الرماد .. مصطفى سيف يعني
بس ماتروحلهوش هو
روح لوالدته عشان هو بخييييل ^___^
وياريت تسيبلي نصيبي:P:P:P
نورت ..
12 مايو 2011 في 5:06 م
سندباد
نورتنا بطلتك الجميلة
تسلم لوجودك
وتابع الزنات^_^
14 مايو 2011 في 2:26 م
جميل منا ان نشارك الاخرون حياتنا ومشاعرنا استمتعت جدا بالجزء قصدي الزنة الاولي ^_^ وفي انتظار الباقي باذن الله
14 مايو 2011 في 4:09 م
الغاليه .. سكن الليل
أبهرتنى غاليتى بهذه الطفله التى تصارع للخروج
من شرنقه أنثى أبدعت عندما عزفت وتغنت بأجمل الحروف
وتفردت بوصف أرق الكلمات ..
لتخرج لنا هنا شقاوه وسعاده وذكريات بطعم الفرح ..
لطفله صغيره أسمها مرمر ..
أستمتعت هنا وبإنتظار المزيد ..
دمتى بحب
16 مايو 2011 في 9:43 م
كارمونة
تسلمي يابنتوتة نورتي الزنة الأولى
واستني زنة جديدة^_^
16 مايو 2011 في 9:46 م
أنثى استثنائية
اشتقت لمرورك بعالمي
نورتي الزنااااااات
واستني زنة جديدة
17 مايو 2011 في 7:53 ص
مرمر
هذا هو تعليقى الثانى الذى تاه مع توهان جوجل
زناتك لم تكن زنات بل نغمات اطربت قلبى وايقظت وجدانى
ولو انى واخد على خطرى عشان معزمتنيش عل بطتك يا بطة قلبى
17 مايو 2011 في 5:50 م
زززززززززناتك لذيذه مرررررررررررررررمر
خفيفة الظل جميله بس الباشمهندس شكله حنين قوى مش كده وشوشه كمان بيحبك بس انتى كان المفروض تبطلى شقاوه على العموم الشقاوه وهبة لينا انسانه خفيفة الظل وجميله
تمنياتى لكى بدوام السعاده تقبلى مرورى وتقبلى تحياتى الاحــــــلام