الزنة الرابعة



مرت الايام

يوم ويوم ويوم ويوم ويوم

وجه معاد المتابعة الصحية والتطعيم

حملتني امي بين احضانها ومعها ابي ورحنا عند طنط اللي ساكنة ف عمارة كبييييييييييرة
ييجي عشرتاشر دور كدة
الشقة كانت غريبة خالص
ما فيهاش انتريه ولا صالون
لكن فيها كراسي وتربيزة ف النص
ومكتب عليه ست لابسة ابيض ف ابيض

وع الكراسي اطفال صغننين زيي

وشوية ودخلنا عند طنط اللي رحبت بينا وخدتني وحطتني على ميزان غريب ..باين عليها بقالة

وشوية ومسكت شريط وقاست طولي..شكلها هتفصل لي فستان جديد

طنط قعدت تطبل على بطني بصوابعها وحطت خرطوم رفيع نازل منه قرص معدن بارد
وقعدت تسمع بتركيز

هو في كاست ف بطن العيال الصغننين وصدرهم؟

امال ما كنتش بسمعه ليه؟

وشوية ومسكت شاكوش مضحك وخبطت على ركبتي وذراعي

الله! الست دي بقالة وللا خياطة وللا نجارة؟!!!

بس خلاص
سابتني اخييييرا ولفتني تاني ف بطانيتي اللطيفة ورجعتني لماما

وقعدت تتكلم معاها كلام غريب من بتاع الناس الكبيرين

وانا طالعة من عندها
بصيت للعيال اللي هناك وقلتلهم:

ما تستعجلوش..الست اللي جوا هتكسر راسكو بالشاكوش

وهما انفتحو ف العياط

الحق اهرب انا بقى قبل ما يكتشفوني

سلااااااااااااااااااااااام

اه صحيح
مع زنة جديدة

12 Response to "الزنة الرابعة"

  1. مدونة رحلة حياه says:
    2 يوليو 2011 في 8:47 م

    السلام عليكم
    جميلة حكاويك عن مراحل الكل عاشها وانت بداتيها من الاول
    بطريقة سرد شيقة خفيفة
    دومتى بخير

  2. مصطفى سيف الدين says:
    3 يوليو 2011 في 12:12 ص

    لما تروحي فين حتى
    ان شاء الله هيجيبوكي :)
    كالعادة زناتك بالرغم انهم عاملين دوشة الا ان دمهم خفيف ومحدش فينا فكر يرش بيروسول علشان الزن يبطل :)
    تحياتي

  3. Casper says:
    3 يوليو 2011 في 2:01 ص

    بوست دمه خفيف ^_^
    ما شاء الله ذاكرتك قوية D:

    _________

    خالص تقديري لفكرك وقلمك

    تقبلي مروري
    Casper

  4. غير معرف Says:
    3 يوليو 2011 في 3:30 ص

    صباحك غاردينيا
    هههههههههههه
    ضحكتيني يامجرمة
    هو انتي سيبتي العيال تعيط وخرجتي :)
    بجد بوست جميل ودمه خفيف
    "
    ؛
    لروحك عبق الغاردينيا
    كانت هنا
    reemaas

  5. سكن الليل says:
    3 يوليو 2011 في 5:45 م

    أستاذ محمد

    أشكرك لمرورك العطر

    الطفولة مرحلة جميلة جدا
    لكن للأسف في كتير منا فقد أجزاء من طفولته

    هنا بحاول ارسم معاكم شكل طفولة
    يمكن ماعشتهاش بالشكل دة

    ويمكن في النص نلاقي حاجة تفرحنا وتعلمنا
    لسة مش عارفة الزنات رايحة بيا لفين

  6. سكن الليل says:
    3 يوليو 2011 في 5:46 م

    مصطفى
    اكيد انت اللي هتدلهم عليا
    خااااائن جاسوس كوالالامبوووور
    :D:D

    خليك في المدونة الزرقا بتاعتك ماتطلعش منها
    هتقابلك دبانة زرقا هنااااااااك^__^

  7. سكن الليل says:
    3 يوليو 2011 في 5:47 م

    القرررر هيشتغل :P:P

    كاسبر
    نورت وعطرت
    والبوست مافيهوش حاجة افتكرها

    دة محض خيال ودردشة^___^

  8. سكن الليل says:
    3 يوليو 2011 في 5:49 م

    ريمااس
    انا جريت قبل مايلحقوا يعيطوا
    دي فايدة رجلين بابا الطوييييييلة
    (في القصة بس الحقيقة لا :P:P

    نورتي البوست ^_^

  9. ابراهيم رزق says:
    6 يوليو 2011 في 9:37 ص

    طب انتى مسمعتيش الاغنية مع طنط ليه مش كانت ممكن تعجبك

    مش جايز تكون اغنية كويسة نسمعها معاكى

    فى انتظار الزنة القادمة بس متكونش بليل عشان الناس متصحاش

    تحياتى

  10. سكن الليل says:
    7 يوليو 2011 في 5:30 م

    هبقى أطلع دكتورة ويبقى عندي سماعة كبيرة أد الدنيا
    أسمع بيها كل الأغاني اللي في بطن العيال الصغننين

    **
    نورت أخي
    والزن ما يحلاش غير بالليل
    ومالوش فايدة من غير مايدوش الناس ويصحيهم^_^

  11. BinaryBender314 Says:
    9 أكتوبر 2023 في 10:42 ص

    görüntülüshow
    ücretli show
    FM6

  12. MaceraKızılGüzeli5 Says:
    16 أكتوبر 2023 في 8:07 ص

    https://titandijital.com.tr/
    çorum parça eşya taşıma
    niğde parça eşya taşıma
    kastamonu parça eşya taşıma
    istanbul parça eşya taşıma

    GD5WDK

إرسال تعليق